పల్లెను ప్రేమించే ప్రతి హృదయానికీ స్వాగతం !

• ఉన్న ఊరునీ, కన్న తల్లినీ మరచిపోకూడదంటారు. "జననీ జన్మ భూమిశ్చ స్వర్గాదపీ గరీయసీ" అన్నారు. 

• పల్లెటూరి గొప్పతనాన్ని చాటేందుకు, పల్లెల్లో అజ్ఞానాన్ని పారద్రోలేందుకు, నా వంతుగా పాటు పడేందుకు ఈ బ్లాగును ఉపయోగిస్తాను.

• భారత దేశం యొక్క ఆత్మ పల్లెల్లో ఉందని మహాత్ముడంటే, పెట్టుబడిదారీ విధానాలతో మార్కెట్ విస్తరణకు - మార్కెట్ సౌకర్యానికి మాత్రమే పట్టణాలు వచ్చాయి తప్ప, మానవత్వపు విలువలు పల్లెల్లోనే ఉంటాయని కారల్ మార్క్స్ అన్నాడు.

• వాస్తవంగా పల్లెలే ప్రగతికి, శ్రమకు, మానవత్వపు విలువలకు ప్రతి రూపాలు. 

• అలాంటి పల్లెలు ప్రపంచీకరణ నేపధ్యంలో విలువలు కోల్పోతున్నాయి. ఇతర ఇక్కట్లకు గురవుతున్నాయి.

• పల్లెలు వెనుకబాటుకు శ్రమదోపిడీ ఓ కారణమైతే - అజ్ఞానం మరో కారణం.

• పల్లెల్లో అజ్ఞానాన్ని పారద్రోలితే భారత దేశాన్ని మరింత శక్తివంతమైన దేశంగా, అత్యున్నతమైన మానవ వనరులున్న దేశంగా మనం తయారు చేయొచ్చు.

• భారతీయ సంస్కృతినీ, విలువలను మనం కాపాడాలంటే పల్లె సంస్కృతిని కాపాడాలి. పల్లెలనుండి మేధావుల వలసలను ఆపాలి. 

• ప్రభుత్వాలతో పాటు ప్రతి ఒక్కరూ ఆ దిశగా కృషి చేయాల్సి ఉంది.

• పల్లె సంస్కృతిని కాపాడే ప్రయత్నంతో పాటు, పల్లెప్రపంచం విజన్ కార్యక్రమాలను మీతో పంచుకునేందుకు ఈ బ్లాగును ఉపయోగిస్తాను. 

• పల్లెల అభివృద్ధికీ,  పల్లెల్లో అజ్ఞానాన్ని పారద్రోలేందుకు, పల్లెలనుండి మేధావుల వలసలను ఆపేందుకూ మీ వంతు సలహాలివ్వండి.

• మీకు తెలిసి పల్లెల అభివృద్ధికీ లేదా జన్మభూమికీ సేవలు అందిస్తున్నవారి వివరాలు తెలిపితే ఈ బ్లాగులో వారి వివరాలను ఉంచుతాము. అందరికీ స్పూర్తినిచ్చేందుకు ఈ బ్లాగు ద్వారా కూడా ఓ ప్రయత్నం చేసేందుకు సహకరించాలని విజ్ఞప్తి.

• పల్లెప్రపంచం లేబుల్ ద్వారా పల్లెప్రపంచం విజన్ గురించి , ఆచరణకు సంబంధించిన కార్యక్రమాలను కూడా పోస్టులుగా వ్రాయడం జరుగుతుంది.