ఆర్ధిక నేరాలకు శిక్షలు లేవా?

మనం కరెంట్ వాడుకున్నందుకు, నీళ్ళు వాడుకున్నందుకు, ఇల్లు కట్టుకునేందుకు, రోడ్లు మొదలయిన మౌలిక సదుపాయాల కోసం టాక్స్ రూపంలోనో, బిల్లు రూపంలోనో ప్రభుత్వానికి కొంత డబ్బు కడతాం. ప్రతి వ్యక్తీ తమ ఆదాయాన్ని చూపిస్తూ టాక్స్ రిటర్న్ ఫైల్ చేయాలి. ప్రతి ఉద్యోగికి లేదా ప్రతి వ్యక్తికీ ఎంత టాక్స్ కట్టాలి అన్న అవగాహన ఉండదు. అవగాహన లేని వ్యక్తిని ప్రభుత్వం వదిలేయదు. ప్రభుత్వానికి అవకాశం దొరికినపుడు వ్యక్తిగత కక్షలు ఉన్నపుడు నిలదీసి ప్రశ్నిస్తుంది. ఇంటి పన్ను విధించిన పద్ధతిలోనే ఆదాయ పన్ను కూడా ఇంటికే పంపే వీలు లేదు. ఎవరికి వారు ఇంటిపన్ను మధింపు చేయలేరు. ఇంటి కొలతల ప్రకారం ప్రభుత్వం పన్ను వేస్తుంది. 130 కోట్లమందిలో ఆదాయ పన్ను చెల్లింపుదారులు ఎంతమంది ఉంటారు? రహదారులు, విద్యుత్, నీరు వాడుకున్నందుకు డబ్బు కడతాం. ఎవరి స్వంత తెలివితేటలతో మోసం చేసో, బెదిరించో డబ్బు సంపాదిస్తే అది ఎలా వచ్చిందో ప్రభుత్వానికి చెప్పాలి. ఇంటిలో ఎవరు ఎంత సంపాదిస్తున్నారు అనెది ప్రభుత్వానికి తెలిసే వీలు లేదు కాబట్టి ఇంటిలో ఉన్న వ్యక్తుల ఆదాయం ప్రకారం ప్రభుత్వం పన్ను విధించే వీలు లేదు. బాగా తెలివికలవాడు కోటి రూపాయలు సంపాదిస్తే తెలివిలేని వారు 10వేలు మాత్రమే సంపాదించవచ్చు. ఒక మనిషి ఎంత సంపదిస్తే అంత ఆదాయపన్ను కట్టాలి. తెలివికలవాడు బాగా సంపాదిస్తే బాగా పన్ను చెల్లించాలి. సంపాదించలేని వ్యక్తికి ప్రభుత్వం రాయితీలు ఇస్తుంది. ఉచిత పధకాలను ప్రవేశపెడుతుంది. వడ్డీ మాఫీ చేస్తుంది.  తెలివితక్కువగా పుట్టడం వల్ల ప్రభుత్వం రాయితీలు ఇస్తున్నపుడు తెలివికలవారికి మరిన్ని రాయితీలు కల్పించాలి. తెలివితక్కువవారికి రుణ మాఫీలు చేస్తున్నపుడు తెలివికలవారికి కూడా రుణమాఫీ చేయాలి అనేది మాల్యా వాదన. ప్రభుత్వాలే ప్రపంచ బ్యాంక్ కు ఋణపడుతున్నాయి. మీరు ఎందుకు ఋణాలు చేస్తున్నారని ప్రభుత్వాన్ని నిలదీసే వీలులేదు. ఎపుడు ఏ ప్రభుత్వం ఎందుకు అప్పు చేస్తుందో ఎవరికీ తెలియదు. కొన్ని సార్లు కాగ్ అక్షింతలు వేసింది అని వార్తలు వస్తాయి. కాగ్ పని కేవలం అక్షింతలు వేయడమేనా? అప్పు చేసినందుకు ప్రభుత్వానికి కానీ వ్యక్తులకు గానీ శిక్షలు పడిన దాఖలాలు లేవు. ఎంత ఆదాయానికి ఎంత పన్ను ఉండాలి? మౌలిక సదుపాయాలు అందరికీ సమానంగా ఉన్నపుడు పన్నులు కూడా అందరికీ సమానంగా ఉండవచ్చా? కుటుంబ అస్థులు ఎంతవరకూ ఉండవచ్చు? కుటుంబ ఆదాయమూ వ్యక్తుల ఆదాయమూ వేరు వేరుగా చూడవచ్చా? ఒక మనిషికి ఎంత ఆదాయాన్ని సమకూర్చుకోవచ్చు? ఒక మనిషికి ఎంత ఆదాయం ఉంటే పన్ను కట్టాలి? ప్రభుత్వం ఎంత వరకూ ఋణం తీసుకోవచ్చు? ఆదాయాన్ని మించి అప్పులు చేస్తే పడే భారాన్ని ఎవరు భరిస్తారు? అప్పుల భారాన్ని తీర్చుకునేందుకు ఆస్థులు అమ్మే అధికారం ప్రభుత్వానికి ఉందా? అసలు ఆదాయ వ్యయాలు ఎలా ఉండాలి? అందరూ సక్రమంగా పన్నులు చెల్లించాలంటే తీసుకోవలిసిన జాగ్రత్తలు ఏమిటి? దేశంలో వాహనం,ఇల్లు,టీవీ,ఏసీ,సెల్ ఫోన్ ఉన్న ప్రతివ్యక్తీ పన్ను చెల్లించాలి. ఆర్ధిక అవగాహన లేకపోవడం కారణంగా పన్నులు కట్టకపోవడం నేరమా కాదా? ఆర్ధిక నేరాలకు శిక్షలు లేవా?

-నీహారిక

*Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

janavijayam@gmail.com