ఇది పొరపాటా? అజ్ఞానమా?

మీరూ ప్రజ కు ప్రశ్నలు పంపాలనుకుంటే వివరాల కోసం ఇక్కడ నొక్కండి.

Name:	Praveen
E-Mail:	deleted
Subject:	ఇది పోరపాటా లేదా అజ్ఞానమా?
Message:	సి.పి.ఐ., సి.పి.ఎం.ల కార్యకర్తలలో చాలా మందికి కమ్యూనిజం అంటే ఏమిటో తెలియదు. ఇది నా హైపోథీసిస్ కాదు, కళ్ళతో చూసిన వాస్తవం. విజయనగరం జిల్లాలో ఒక వామపక్ష విద్యార్థి సంఘం (సి.పి.ఐ. అనుబంధ సంస్థో, సి.పి.ఎం. అనుబంధ సంస్థో గుర్తు లేదు) వాళ్ళు అంటించిన పోస్టర్లలో మండలానికొక కాలేజ్ పెట్టాలనీ, ప్రభుత్వ ఉద్యోగుల సంఖ్య పెంచాలనీ వ్రాసి ఉంది. ప్రభుత్వం అనేది ఉన్నదే సొంత ఆస్తి వ్యవస్థని పరిరక్షించడానికి. సొంత ఆస్తిని రద్దు చేస్తే ప్రభుత్వం అవసరం ఉండదు. సొంత ఆస్తి రద్దు అవ్వాలని కోరుకునేవాడు ఎవడూ ప్రభుత్వం బలపడాలని కోరుకోడు. నిరుద్యోగాన్ని నిర్మూలించాలంటే పరిశ్రమలు పెట్టాలి కానీ దానికి ప్రభుత్వ ఉద్యోగాలు (తహసీల్దార్ ఆఫీసులు, పోలీస్ స్టేషన్లు, కోర్టులు) పెంచడం మార్గం కాదనుకుంటాను. ఈ వామపక్ష విద్యార్థి సంఘంవాళ్ళకి కమ్యూనిజం అంటే ఏమిటో తెలుసా, లేదా అనే సందేహం వస్తుంది. కమ్యూనిజమ్‌ని మొదట ప్రతిపాదించినది ఫ్రాన్స్‌కి చెందిన విక్తోర్ దీ'హూపే. కమ్యూన్ అంటే ఉమ్మడి, కమ్యూనిజం అంటే ఉమ్మడి ఆస్తివాదం. కమ్యూనిజం సాధించడానికి గతితార్కిక చారిత్రక భౌతికవాదం అవసరం అని ప్రతిపాదించినది మాత్రం మార్క్స్, ఏంగెల్స్‌లు. సొంత ఆస్తి ఉన్నప్పుడే ల్యాండ్ రికార్డ్స్ ఆఫీసులూ, పోలీస్ స్టేషన్‌లూ, కోర్టులూ అవసరం అవుతాయి కానీ ఉమ్మడి ఆస్తిలో వాటి అవసరం ఉండదు. కమ్యూనిజం అంటే ఏమిటో తెలిసినవాడు (అతను మార్క్సిస్ట్ అయినా, కాకపోయినా) ఎవడూ ఈ వామపక్ష విద్యార్థి సంఘంవాళ్ళని కమ్యూనిస్టులు అనుకోడు.

-----------------

*Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

kondalarao.palla@gmail.com