500,1000 నోట్లు రద్దు చేస్తే అవినీతి సమస్య సమసిపోతుందా?

------------------------------------------------

అంశం :correption

ప్రశ్నిస్తున్నవారు : Palla Kondala Rao

------------------------------------------------

ఆంధ్రజ్యోతిలో వార్త ఇది. 

• 500, వెయ్యి నోట్ల రద్దే శరణ్యం!
• అవినీతి నిరోధానికి అదే మార్గం: చంద్రబాబు
• 'కేబీఆర్ పార్క్ వాకర్స్' సత్కారం సందర్భంగా వ్యాఖ్య 

హైదరాబాద్, మే 18 : దేశంలో అవినీతి, నల్లధనం వ్యాప్తి తగ్గాలంటే రూ. 500, రూ. వెయ్యి నోట్ల రద్దే శరణ్యమని, వీటి వల్లే నల్ల ధనం దాచేందుకు అక్రమార్కులకు సులువవుతోందని తెలుగుదేశం పార్టీ అధ్యక్షుడు చంద్రబాబు అన్నారు. ఈ దిశగా పోరాటం చేసేందుకు ఆర్థిక రంగ నిపుణులతో మాట్లాడబోతున్నాం అని చెప్పా రు. కాసు బ్రహ్మానందరెడ్డి పార్క్ వాకర్స్ అసోసియేషన్‌కు చెందిన సీనియర్ సిటిజన్లు శనివారం ఉదయం బాబును సత్కరించారు. ఏడు నెల ల సుదీర్ఘ యాత్ర చేసినందుకు ఆయనను అభినందించారు. అనంతరం బాబు మాట్లాడారు. చాలా మంది ఆరోగ్యం బాగుపడాలని నాడుస్తారని, తాను మాత్రం రాష్ట్ర బాగుకు పాదయాత్ర చేశానని చెప్పారు. కాలి వేలి నొప్పికి తోడు కాలు మెలిక పడడంతో యాత్ర ముగించానే కానీ.. లేదంటే మరో 3వేల కిలోమీటర్లు నడిచేందుకు నిర్ణయం తీసుకున్నాననీ అన్నారు. అవినీతి తీవ్రవాదం కంటే ప్రమాదకరమైందనీ , గుర్రపు డెక్కలా అన్ని రంగాలను అల్లుకు పోతోందని, చివరికి క్రికెట్‌ను కూడా వదల్లేదని.. ఇది దేశం పరువు తీసిందని ఆయన ఆవేదన వ్యక్తం చేశారు. అవినీతి లేకుంటే అభివృద్ధిలో భారత్ చైనాను అధిగమించి ఉండేదని అన్నారు. సీనియర్ సిటిజన్లను సీపీఐ నేత బర్దన్‌ను ఆదర్శంగా తీసుకొని సమాజ హితానికి కాస్త సమయాన్నైనా వెచ్చించాలని కోరారు. 87 ఏళ్ల బర్దన్.. ఎప్పుడూ ప్రజల మధ ఉండడం వల్లే తన మనసు ప్రశాంతంగా ఉంటుందని చెబుతారని, ఆయన 1997లో ఉన్నట్టుగానే నేడు కూడా ఉత్సాహంగా ఉన్నారని చెప్పారు. సీఎంగా ఉన్నప్పటి కంటే 20 8 రోజుల ప్రజల నడుమ గడపడమే ఎక్కువ ఆనందాన్నిచ్చిందన్నారు.

చంద్రబాబు చెప్పిన ఈ సూక్తి ముక్తావలి 'శివాజీ' సినిమాలో శంకర్ కూడా చెపుతాడు. 500,1000 నోట్లు రద్దు చేస్తే అవినీతి సమస్య సమసిపోతుందా?

  *Re-published

మీరేమంటారు? శీర్షికలో ఏదైనా అంశాన్ని చర్చించాలనుకుంటే క్రింది మెయిల్ ఐ.డికి వివరాలు పంపగలరు.

janavijayam@gmail.com